終於到我啦 ..>.<..

到我病啦. 都唔知邊個同事野返來架啦. 可相而知我公司有幾多同事病左, 連邊個傳染俾我都唔知. 唉. 個鼻開始塞, 喉嚨有d痕又咳. 我要快d好返呀!!!! 打退病魔!!! 一到冬天我上呼吸道就好易敏感不舒服,重要一病就成個幾禮拜先好返, 希望今次會快d好返. 睇來我都係寒底要食多d熱既野平衡下囉.

近排可以用"歡樂今宵"主題曲來形容我的生活, 覺得自己似隻牛. 幾時可以有一隻馬俾我搵到?......

日頭猛做(做牛做馬), 到宜家輕鬆下(都差不多要訓覺啦), 食過晚飯(食無定時, 成11:30先食),要休息返一陣(零晨12點零lu), 大家暢聚無線有好節目(妙手人心), 歡歡樂樂笑笑談談 (感謝神做完一日野重有老公逗我開心), 我地齊齊陪伴你 (自己並不孤單因有很多同路人).

幾時先可以同其他人一樣早d放工, 就萛要逼地鐵都無所謂架. 幾時先有呀? 幾時呀...................... >.<

西九長廊中秋賞月

中秋晚上到了西九長廊野餐加賞月, 可能我們早到達, 只有我們一家人在野餐, 後來晚飯時間過後, 人越來越多, 當然氣氛也熱鬧多了. 面對著這麼美的海景再加上圓圓的月亮, 實在是件美事. 有機會都會介紹朋友去, 更感謝神的是天氣不錯, 有涼風吹送, 很多機會都可以看到月亮, 之後我們在長廊散步, 有不少家庭都來賞月玩花燈. 這真是很難忘的一天.

中秋節快到啦

買了兩個楊土花燈諗住擺屋企應下節, 今晚飯後吃了點月餅賞了中茶. 真係想中秋快D到啊.

明天開始工作了

等了好一陣子的機會來了﹐ 帶來了更多不同的機會及學習﹐ 希望有一個好開始﹐ 今天要早點休息﹐因明天要早起呢﹐ 今次返工時間比以前返工的時間早﹐ 不能再懶床了。 要頂住呀﹐ 應該會很快就能適應工作時間的﹐ 要努力加油。

牛一

今天是蝦子餅2X歲生日﹐ 煮了牛扒餐給他吃﹐雖不是什麼大餐﹐ 不過味道還可以吧﹐=P 值著這大日子﹐還喝了點紅酒慶祝呢﹐吃完後當然是切生日蛋糕囉﹐ 還第一次兩個人吃了整個蛋糕﹐好滿足呀﹐ 好飽。

雖然是簡單的慶祝了﹐但蝦子餅還是很開心也就足夠了﹐ 感謝神一直以來的保守及引領﹐ 願蝦子餅身體健康﹐愛主日深﹐食過生日蛋糕就步步高陞啦。因大伯的生日跟蝦子餅的生日只隔一天﹐ 所以明天會一起回奶奶家吃飯慶祝﹐為人慶祝生日﹐實在是很高興的呢。 ^0^

真不小心

昨天下午熨衣服的時候邊熨邊看電視﹐一不留神手撞到熱滕滕的熨斗﹐ 首先是感到一陣熱﹐ 立刻鬆開手﹐ 踵到的地方過了15秒(有這麼準確嗎? 那當然是估計的時間囉)就紅了一小塊﹐ 初時不很痛﹐ 之後我立刻走入洗手間用冷水猛沖傷口﹐ 再塗上萬XX敦藥膏﹐ 情況有些好轉但總有些陣痛﹐起了水泡﹐ 滿以為晚上睡覺時塗了藥膏就不用再貼上膠布﹐ 怎料今早半睡半醒的時候感到手有點兒癢就一手抓下去止痕﹐ 當時我還是未完全睡醒的﹐眼都還未打開﹐止完痕先知衝禍了﹐心裏有陣不祥的感覺﹐ 我一打開眼就見到水泡已被我弄穿了! 唉﹐ ....>0<.... 唯有先洗傷口再立即貼上昨晚早應該貼上的膠布囉。

熨傷過一次有陰影﹐ 晚上煮飯時都特別小心。幸好傷的位置是手腕對上的位置﹐ 要不然貼上膠布的話別人可能會以為我是不是受了什麼刺激﹐ 那麼想不開。

晚上老公下班回來﹐ 就立刻報告一下事發經過﹐順道給他觀察一下傷情﹐ 目的在於想他安慰我一下﹐ 和看看他擔心的樣子﹐這樣那些隱隱作痛一下子就給我飛走了﹐ 這真是靈單妙藥啊(有那麼誇張嗎?) 。真是的﹐ 是自己的不小心還要別人安慰一番 >?< 以後熨衫的時候還是專心點好。

機會來了

連續兩天的機會﹐ 來了﹐ 終於來了。

The Simpsons 八月上影啦 ^0^

http://www.simpsonsmovie.com

神蹟

搬屋前不見了一隻CD﹐ 心感可惜﹐前幾天妹妹幫找到了﹐ 重聽了以下這首歌好幾次﹐不斷不斷的播﹐ 對這隻歌的感覺到現在一點沒變。 一樣﹐ 正﹐ 重覆聽幾次都唔會厭的。

神蹟 (電影"天使之城"主題曲)
主唱:鄧婉玲
作曲:Christina To 填詞:凌東成 編曲: Johnny Yim

不必多歎息 亦別多嗟怨
在往昔每步 誰能夠遮掩
世間多變遷 命運張咀臉
但我終領略祢 就在我身邊

*是祢在絕望中降臨 親身替償還受破損
像曙光漸露破黑暗 將真愛蔓延

昨天生與死 就像差一線
沒法可意料到 活著到今天
我終於也知 為什麼生存
為祢傾發熱暖 和傳遞愛念

昨天剩下多虧欠 始終祢伴在我身邊
願細聽祈求與禱告 將傷創復原

鬱悶

心中感到一陣陣的悶氣﹐人快要瘋了。 要做些事令自己振奮起來呀!!! 好﹐ 一陣去做GYM﹐ 趕走悶氣﹐ 否則會鬱死﹐又不想見人﹐快要瘋啦!!! =$

~宣佈無效~

上星期六係主人房放左個炸旦諗住將D卜泥趕盡殺絕啦﹐ 頭一兩日係無曬﹐ 不過今日又見到幾隻出番來啦~~~~~~唉﹐ 唔通我真係要同D卜泥同居﹐ 唔得呀 0_o!!

殺之不盡

哎呀﹐ 屋企牆身同D櫃入面都有卜泥﹐ 殺極都有。係屋苑forum到知道原來好多人屋企都有﹐ 有人話用漂白水沬牆身﹐ 有人話用綠水﹐ 有人話去筲基灣曾近榮開o個間鋪頭到買d殺蟲水有用﹐ 但又有人話用o個排無咁d﹐ 不過之後又有返﹐ 真係殺極都有。令到不少人煩惱非常﹐ 有人又話係d木發霉﹐ 唔係呀fa﹐ 千其唔好呀。

聽日就去買支殺蝨噴霧﹐ 實行焗到d蟲一棟都無。 殺呀!!!!!!!!!!!!!!

我有開抽濕機﹐ 但都無咩用﹐ 晚晚臨o訓之前都要好似個傻婆咁係咁用d濕左漂白水O既廁紙係度捉卜泥﹐ 我怕d卜泥爬上我張床﹐ 雖然話係唔咬人o者﹐ 走上頭都唔好啦﹐ 無論有咩方法﹐ 我都會去試﹐ 實行殺殺殺!!!!!! 一隻也不留手!!!

IQ題

前天因己返了週六崇﹐ 所以週日有一整日的時間跟老公去旺角逛逛﹐目的是想添置點新的衣服﹐ 今次特別點的是想買衫的人是老公﹐ 平時逛MALL的時候他都只有陪我行行企企的份兒﹐ 就連他同我拍拖時會留意下D女仔衫的動作也少了﹐ 是因年紀大了又或是結了婚的關係嗎? 所以今天他有如此興致我當然奉陪到底﹐我們去了一間OUTLET買了幾件衫一條褲﹐ 不過行街中途下大雨﹐否則會更盡興﹐ 說真的﹐ 逛街其實是頗累的一個活動﹐ 返到屋企只係想座底係度咩都唔做對住個電視。 多謝老公主動的去做一晚煮飯公﹐讓我已行到發踵的一雙肥豬腿可以好好的休息一下。

記得在坐巴士時老公問起我IQ題解解悶﹐ 其實我望下街已經覺得好好﹐ 一向都對IQ題興趣不大的我﹐ 都來了一輪腦筋急轉彎﹐ 最後都總萛答對了﹐ 令我開心了好一陣子。 ^_^

兩題IQ題﹐你也來腦筋急轉彎吧﹐ 答案下回分解﹐ 讓你有時間思考﹐ 可留言告知我答案哦。嘻嘻。。。
~~~~~~~~~~~~~~~~~~~~~~~~~~~~~~~~~~~~~~~~~~~~~

問題一:
有兩間房﹐ A房同B房﹐ A房有三個電掣﹐ 而B房就有三個燈炮﹐電掣跟燈炮的遍排是不關連的﹐ 你可以怎樣去辨認出那個電掣是跟那個燈炮互相連接的呢? 你可以不順序的隨己意去按電掣﹐ 規則是你只可以入去B房看一次燈炮。

~~~~~~~~~~~~~~~~~~~~~~~~~~~~~~~~~~~~~~~~~~~~~~

問題二:
有一位年紀老邁的億萬富翁的妻子死了﹐ 只有兩個孖生兒子A和B﹐ 因近來看了<<溏心風暴>>之後恐怕兩個兒子會好像劇中的細契及舅父波一樣爭產﹐ 所以老人想出一條問題﹐那個兒子比較聰明快而準的答對他出的問題﹐就可得到他三分之二的遺產﹐ 輸了的只可得到餘下的三分之一。 問題是這樣的。 有三頂帽子﹐ 兩頂是黑色的而一頂是白色的﹐ 在一沒鏡子的密室裏﹐老人會在兒子合上雙眼時把其中兩頂帽子各放在兒子的頭上﹐ 兒子兩人睜開眼晴之後只會看到對方的帽子﹐但就要準確的說出自己頭上帽子的顏色。 時間一秒一秒的過去﹐而兒子B想了5秒之後就可準確地說出他的帽子是黑色的﹐ 三分二的億萬遺產也就是他的了。 究竟他是怎樣確定知道自己頭上帽子的顏色呢?
HINT: 關鍵就在於那幾秒的時間。

~~~~~~~~~~~~~~~~~~~~~~~~~~~~~~~~~~~~~~~~~~~~~~~

ENJOY EVERYONE!!! 哈哈。

市區重建

你也來參與市區重建吧﹐到以下的網址﹐ 好好玩架。

http://www.ura.org.hk/html/c1306000t1e.html

等﹐等﹐等.......

送出﹐等﹐送出﹐ 等﹐等﹐等﹐ 繼續等﹐ 繼續送出。 什麼時候才有回覆? 不禁要嘆氣一下來舒緩我的悶氣﹐ 快忍耐不住了。

*____*

下雨天

雖然已下了兩天雨了﹐ 但還未覺得討厭﹐反而越來越喜歡下雨天﹐特別是在家的時候﹐窗仍然開著﹐聽著出面的雨聲﹐ 就萛只是單坐著看書﹐感覺也很好。 記得小時候住在十五樓﹐ 經常下雨天在家中望出窗外花花綠綠的雨傘或躲避大雨的途人﹐微風從窗口吹入屋內﹐ 一陣陣涼意及只有雨天才有的獨特味道﹐感覺特別有安全感(因為人在家中呢﹐ 不像別人在街上避雨呢。)。 相信未來幾天都會繼續下雨﹐什麼時候會放晴? 還是繼續享受雨中在家的寧靜。

記得小時候爸爸常唱起以下的童謠﹐ 實在令人回味﹐ 令我想起農村簡樸的生活﹐ 清翠的樹木﹐草原以及樸素的大人細路﹐ 為著生活忙忙碌碌的...... 大家有否聽過這個童謠呢? 你又是否懂得背出來呢? ^。^

~~~~~~~~~~~~~~~~~~~~~~~~~~~~~~

落雨大，水浸街。

阿哥擔柴上街賣，阿嫂教我做花鞋。

花鞋花襪花腰帶，一串珍珠兩邊排。

有錢打對鈴啉鼓，冇錢打個石榴牌。

~~~~~~~~~~~~~~~~~~~~~~~~~~~~~~

窗外的雨仍然嘩啦嘩啦的落不停﹐今晚一定好好訓﹐ 嘻嘻......

好痛呀!!!

近排我同老公都好熱氣﹐ 佢面生暗瘡﹐ 我就左邊下牙肉生左粒飛芝﹐ 痛足幾日﹐ 連左邊面都有D痛。 發覺人越大﹐ 熱氣的徵兆都係發係個口入面。 一係生飛芝﹐ 二係食野時咬到咀唇入面﹐咬一次唔夠重要連續咬第二次﹐ 救命呀!!!! 真係痛到想喊咁濟 ...>.<... 重要有啖飯含住係個口入面﹐ 又要咬碎先吞﹐ 又怕下一啖又再咬同一個位喎。 好慘呀﹐ 跟住拿拿聲去沖杯夏桑菊飲下﹐ 琴日重要飲左兩杯﹐再勁飲水﹐ 攪到成日要去廁所﹐就當係排毒啦﹐ 真係要快D趕走D熱氣先得。 為顧全顏面﹐暗瘡係爆少左﹐但係熱係個口到﹐ 呢鋪真係有苦自己知啦。 呢幾日食野都係慢慢來穩陣D。

Interview

下週一下午有工見﹐ 要早點預備先得﹐感謝神機會又來了。苦悶的等待令我有點兒鬱悶﹐現在機會來了又怕應付不來﹐無論是見工還是真實的工作﹐都不知會怎樣﹐ 不竟沒有工作已有差不多半年了﹐ 要來到戰場﹐ 我能從容面對吧? 之前因為要籌備婚禮所以quit了之前那份工﹐ 現在一齊都settle下來了﹐ 是時候要再進入辦公室了﹐ 真緊張﹐ 我能應付得來嗎?........

耶穌說: "你們這小信的人哪! 為什麼膽怯呢?"

耶和華是我的牧者﹐ 我必不致缺乏。 詩篇23:1

睡眠質素好差

近來幾晚睡覺時都特別多野諗﹐ 睡眠質素又不太好﹐ 睡到半夜會發夢發到醒﹐ 一係熱到醒"FU"左被﹐ 之後又因為"FU"左被又凍到醒﹐ 好想繼續訓又唔係好訓到﹐ 唉﹐重要好多時都俾老公D呼吸聲(不是snoring)嘈醒﹐ 有時都會叫醒佢﹐ 但係諗落又控制唔到﹐ 所以之後唯有照訓﹐希望會快D訓著。 都唔知攪咩﹐ 不是我平日太空閒了吧﹐ 我有做野架﹐ 個腦有活動唔係做大食懶架﹐ 又唔係訓到黃朝八晏。 點解呢? >。<

今日成日頭重重﹐ 但又唔係發燒﹐ 個身時熱時凍﹐究竟咩事? 有病?。。。。。。 是心理反應嗎?

諗諗下﹐好想對生活有改變。

小熊猫打喷嚏﹐驚嚇阿媽個心!!!

http://www.youtube.com/watch?v=jGpNgae6bdk&NR=1

神奇魔術﹐點整架?! @0@﹔

http://www.youtube.com/watch?v=uKyuU82d2BM&eurl

失敗的正面意義

Quoted from: http://new.ccea.org.tw/excel/information/devotion/newpage2.htm

失敗的正面意義

‧失敗並不意謂你一事無成，
　　　它是說你學了某些功課。
‧失敗並不意謂你是個傻瓜，
　　　它是說你有很大的信心。
‧失敗並不意謂你蒙了羞辱，
　　　它是說你勇於大膽嘗試。
‧失敗並不意謂你缺乏才幹，
　　　它是說你再試別的方法。
‧失敗並不意謂你浪費生命，
　　　它是說你可以重新再來。
‧失敗並不意謂你不會成功，
　　　它是說你必須加倍努力。
‧失敗並不意謂神放棄了你，
　　　它是說神有更美的主意。
‧失敗並不意謂你是失敗者，
　　　它是說你現在尚未成功。
‧親愛的，當你不再害怕「害怕」。
　　　它的魔爪就會逐漸消失。
‧當你不再害怕「失敗」，
成功的笑臉會迎你而來。

老婆不在家

喜劇小品 - 老婆不在家的時候

http://www.youmaker.com/video/sv?id=8cad865248a04864a54ae304d96d1e97001

看後感: 都幾無聊﹐但係又幾好笑﹐不過諗諗下o個個curling玩法係有一定危險性架。 第日有小朋友都唔會咁玩法。

見工

剛過去的星期一見了一份工﹐title 係o係一間教phonics 的learning centre做秘書/文員﹐ 工作的範圍好合心水﹐ 再加上係基督徒開的公司又成日都可以對住班小朋友﹐實在係一份幾好的工﹐但係因為learning centre的揾錢黃金擋期係星期六﹐工作時間要整個禮拜六都返埋﹐ 成夜晚七點幾先收工﹐ 剛好就係團契完的時間﹐ 工作地點又要搭地鐵轉巴士成個鐘頭先到﹐再加上.......唉﹐ 好似好大條道理咁﹐>.< 再加上佢俾唔到我想要的人工我﹐攪到我心大心細﹐究竟我做住先好﹐ 定揾過第二份好呢﹐若我揾到第二份工咁快就話quit﹐又好似好衰咁﹐ 我要穩穩定定的﹐ 跳來跳去不是我的作風﹐ 不過(我就係咁﹐成日都要諗好多野﹐不過不過﹐ 好煩)﹐揾過第二份又怕揾唔返我想做既野......我係咪想得太過完美主義呢?

原本interviewer今日都叫我去second in﹐ 但係因為以上的原因我推左啦﹐ 其實我都覺得真係好可惜﹐ 不過如果諗深一層會影響到團契生活﹐ 見唔到班弟兄姊妹我就真係唔想。 老公成日都講我可以揾到再好d既工﹐ 我都知這些說話都是鼓勵我的﹐不過我重係o係工作同團契生活邊樣重要d呢個問題到轉來轉去。 我之後會唔會後悔我放棄左呢份我幾鐘意既工種呢?.....

理智d去諗﹐講環境因素﹐我揾工有幾個條件﹐ 一係要星期日一定要放假返到崇拜﹐重可以有family time﹐ 如果星期六要返半晝我都OK﹐二係地方不能太遠﹐ 太遠的話日日要花長時間係車程到都不是我考慮之一﹐ 所以頭先講個D根本就已告訴了我答案。 我成日就係咁﹐ 知道什麼重要我就會依住個規則去行﹐就算明知自己唔係好想的時候都會照做﹐因為知道咁樣係最正路﹐ 好矛盾﹐ 人就係咁煩﹐ 我都有d頂自己唔順(做左就唔好成日後悔或轉來轉去啦﹗﹗﹗﹗﹗ >0< )﹐ 我要相信神會安排更好既工俾我的! 算啦﹐ 有時係要為左一d對自己好的事去放棄一d野。

希望我早日找到工作﹐ 昨天send左email俾個agent﹐ 望佢多d refer interview俾我啦。 我都係好好預備下一個interview﹐唔好為左一顆樹放棄整個森林﹐ 不要限制自己﹐係時候要工作啦﹐ 真係驚會同個社會脫節。 >_<

奸爸爹!!!!!!!

優閑的星期六

相信大部份返一至五的人都會特別期望星期六的來臨﹐ 今天和老公懶洋洋的起床後一起吃了9個小的奶黃包﹐ 然後又煮了鮮姑蛋花粥食﹐ 聽起來好似有D怪﹐ 不過又幾好食﹐ 清清地好有冬姑味﹐見老公近排皮膚唔係太好﹐就當係清腸胃囉。 之後就上下網﹐睇下電視﹐ 而老公就將上星期一去愉景灣影o個D相燒返隻碟俾返個FRIEND。 之後就返團契LU。

團契中我們組另有節目﹐因週會不大適合我們這組已婚的﹐ 所以我地另外BOOK左間房玩了"男女大不同"的遊戲﹐當中姊妹同弟兄要分開兩組﹐ 各自去係唔同場景寫低自已及估究竟對方會點做/諗﹐ 都幾需要LOGICAL THINKING﹐ 好玩之餘又可互相認識﹐是很不錯的遊戲。 之後我地大部份人去左間打冷餐廳食飯﹐當中大家的話題都多是關於與家人的趣事同煮野食有關﹐ 特別有一位弟兄喜歡煮食﹐ 一講起食就好雀躍﹐ 又好注重食物煮出來後的賣相﹐ 以他認真的態度﹐很有POTENTIAL開私房菜﹐ 如果他朝一日真的做老闆﹐ 我一定會去試下﹐ 順便叫佢俾個折頭添﹐哈哈。 見大家一齊食飯都幾開心﹐ 遲D主動叫D住得近的弟兄姊妹吃吃飯﹐ 傾下計﹐ 幾開心﹐ 又可關心下大家。 ^。^

無水﹐ 無電訊接收的下午

早早己知道今天10點半開始至下晝4 點會無食水﹐ 又無咸水同電訊接收的了﹐ 所以9點就起床梳洗一番去迎接這個無水沖廁同無得上網揾工的下午。 送了老公出門後食左兩塊塗了我至愛的花生醬面包之後就開始睇一本叫<<創意同心人>>的書﹐ 此書大致上是講怎樣可作一個才德的婦人﹐ 當中講到才德婦人的特質有以下幾個﹐ 在此跟大家分享一下我今天的得著﹐ 亦希望成為給姊妹們的提醒及鼓勵:

箴言第31章10-31節 才德的婦人
1。可信賴 - 慎於言行﹐只做對丈夫有利的事﹐ 只說造就他的話。
2。刻苦勤勞 -甘心用手做工﹐在乎我們的態度﹐ 而不是我們能否做出像設計師般巧奪天工的東西。 是為了神所賜給我們一位去愛的人而做工。
3。富組織力 -以家庭為重﹐打理得井井有條﹐ 也明智地衡量清楚才接受新任務。
4。大有愛心 - 對自己家人關懷備至﹐ 還可以去幫助其他有需要的人

今天興起閱讀情緒特別選了另一本<<護妻傾情四十八式>>來看看﹐此書也是適合快將結婚及已婚的人士閱讀﹐ 當中作者以抵死﹐ 風趣的筆法去講述怎樣將婚姻的奇難雜症化解﹐ 將作者與妻子平實生活化的愛情故事搬上台前﹐這書看似比較適合男士﹐ 但女讀者看也能窺見男性的內心﹐另我邊看邊笑出來。

以上兩本書陪伴我渡過了一個下晝﹐ 當中除了看書之外本人亦發覺自己看書不能一次過看太久﹐ 否則就會情不自禁的去揾周公傾計﹐都係小心記住護眼之道﹐ 看書看了十分鐘左右就要休息一下﹐ 以免同周公傾計傾到過時。

P。S。感謝將以上兩本書送給我和外子的弟兄姊妹﹐ 它們實在令我們的生活增添姿彩。

snap shot ------>

於家中難得一見的黃昏﹐ 又係時候做煮飯婆。 "@.@" 今晚食乜餸??? 有好提議嗎? ^。^

testing

testing 1